2026-жылдын I чейрегинде Беларусь Республикасындагы маанилүү окуяларга сереп
2026-жылдын I чейрегинде Беларусь Республикасында банктык аманаттарды (депозиттерди) камсыздандыруу (кепилдик берүү), кредиттик уюмдарды жоюу, финансылык сакайтуу жана банкрот кылуу, ошондой эле банк рыногунун иштеши чөйрөсүндө төмөнкүдөй окуялар болду:
1. Беларусь Республикасынын Президенти тарабынан криптобанктар жана токендер жөнүндө Жарлыкка кол коюлду.
Беларусь Президенти Александр Лукашенко 2026-жылдын 16-январында № 19 «Криптобанктар жана санариптик белгилердин (токендердин) чөйрөсүндөгү контролдун айрым маселелери жөнүндө» Жарлыкка кол койду. Документ Беларустун финансылык IT-технологиялар чөйрөсүндөгү флагман катары имиджин бекемдөөгө багытталган жана өлкөдө криптобанктардын иштеши үчүн шарттарды түзүүнү карайт. Тиешелүү Жарлык 2026-жылдын 18-июлунда күчүнө кирет.
2. Беларусь Республикасынын Улуттук банкынын Башкармасынын токтому менен 2026-жылдын 11-февралында Улуттук банктын жана финансы секторунун 2026–2030-жылдарга каралган орто мөөнөттүү иш программасы бекитилди.
Беларусь Республикасынын Улуттук банкынын Башкармасынын Төрагасы Роман Головченко «Банкаўскі веснік» журналына берген эксклюзивдүү интервьюсунда өнүгүүнүн негизги багыттары, бизнес жана жарандар үчүн жаңы инструменттер, ошондой эле Улуттук банктын жана финансы секторунун 2026–2030-жылдарга каралган орто мөөнөттүү иш программасынын бекитилиши менен технологиялык суверенитет жана финансылык туруктуулуктун ортосундагы баланс кандайча камсыз кылынары жөнүндө айтып берди.
Булак
Улуттук банктын жана финансы секторунун 2026–2030-жылдарга каралган орто мөөнөттүү иш программасын жүктөп алуу
3. Беларус рублинин жаңы графикалык белгиси бекитилди.
Беларусь Республикасынын Улуттук банкы Беларусь Республикасынын расмий акча бирдиги – беларус рублинин жаңы графикалык белгисин бекитти. Тиешелүү чечим Улуттук банктын Башкармасынын 2026-жылдын 27-январындагы № 25 токтому менен кабыл алынды.
4. Беларуста лизингдик ишти комплекстүү жөнгө салуучу Мыйзам кабыл алынды.
Беларусь Республикасынын Президенти 2026-жылдын 16-мартында Президенттин 2014-жылдын 25-февралындагы № 99 «Лизингдик ишти жөнгө салуу маселелери жөнүндө» Жарлыгынын ченемдерин колдонуу тажрыйбасын эске алуу менен Беларусь Республикасынын аймагында лизингдик ишти комплекстүү жөнгө салуучу «Лизингдик иш жөнүндө» Мыйзамга кол койду.
5. Беларусь Республикасынын Улуттук банкы 2026-жылдын 1-июлунан тартып санариптик рублди тажрыйбалык-өнөр жайлык эксплуатациялоого киришүүнү пландаштырууда.
Беларусь Республикасынын Улуттук банкы 2026-жылдын 1-июлунан тартып санариптик рублди тажрыйбалык-өнөр жайлык эксплуатациялоого киришүүнү пландаштырууда. Бул тууралуу журналисттерге Беларусь Республикасынын Улуттук банкынын Башкармасынын Төрагасынын биринчи орун басары Александр Егоров билдирди.
6. Санариптик беларус рубли боюнча мыйзам долбоору биринчи окууда кабыл алынды.
«Санариптик беларус рублинин маселелери боюнча мыйзамдарга өзгөртүүлөрдү киргизүү жөнүндө» мыйзам долбоору Өкүлдөр палатасынын депутаттары тарабынан биринчи окууда кабыл алынды. Мыйзам долбооруна санариптик беларус рублинин укуктук табиятын аныктоого багытталган жоболор киргизилген, ал накталай эмес акчанын жаңы (кошумча) формасы болуп саналат жана иштеп жаткан формадан айырмаланып, банктык эсептерде эмес, Улуттук банктагы санариптик эсептерде эсепке алынат.
2026-жылдын I чейрегиндеги маанилүү окуяларга сереп
| Армения Республикасы | Беларусь Республикасы | Казакстан Республикасы | Кыргыз Республикасы | Россия Федерациясы |
