ЕАЭБдин депозиттерди камсыздандыруучулары кызматташтык меморандумуна кол коюшту

ЕАЭБге мүчө мамлекеттердин аманаттарды (депозиттерди) камсыздандыруу (кепилдик берүү) уюмдары 2025-жылдын 10-декабрында жаңы Кызматташтык жөнүндө меморандумга кол коюшту. 2019-жылы түзүлгөн мурунку келишим 2025-жылдын 31-декабрына чейин күчүндө болот.

Бул документ аткарылган иштердин натыйжаларын бекитүүгө, кызматташтыктын жаңы багыттарын аныктоого жана мындан аркы өз ара аракеттенүү үчүн укуктук жана уюштуруучулук базаны түзүүгө мүмкүндүк берет.

Иш-чара Москвада Евразия экономикалык биримдигине мүчө мамлекеттердин банктык аманаттарды (депозиттерди) камсыздандыруу уюмдарынын жетекчилер Кеңешинин жыйынынын алкагында, Евразия экономикалык комиссиясынын жана Өзбекстан Республикасынын Аманаттарды кепилдикке алуу агенттигинин катышуусу менен өттү.

Меморандумга Армения Республикасынын Аманаттардын ордун толтурууга кепилдик берүү фондунун директору Эрмине Арутюнян, Беларусь Республикасынын «Жеке жактардын банктык аманаттарына (депозиттерине) кепилденген ордун толтуруу боюнча агенттиги» мамлекеттик мекемесинин башкы директорунун милдетин аткаруучу Светлана Лега, «Казакстандын депозиттерге кепилдик берүү фонду» акционердик коомунун төрагасы Адил Утембаев, Кыргыз Республикасынын Депозиттерди коргоо боюнча агенттигинин аткаруучу директору Кадырбек Букуев жана Россия Федерациясынын Аманаттарды камсыздандыруу боюнча агенттигинин башкы директорунун милдетин аткаруучу Мария Филатова кол коюшту.