Мыйзамдарды шайкеш келтирүү боюнча Эксперттик топтун отуруму 2024-жылдын 12-декабрында Ереванда болуп өттү

Евразия экономикалык комиссиясынын Каржы рыноктору боюнча консультативдик комитетинин алдындагы Евразия экономикалык бирлигинин (мындан ары – ЕАЭБ) аймагында банктык аманаттарды (депозиттерди) камсыздандыруу (кепилдик берүү), кредиттик уюмдарды жоюу, каржылык жактан чыңдоо жана банкроттугу чөйрөсүндөгү мыйзамдарды шайкеш келтирүү боюнча Эксперттик топтун ишинин алкагында 2024-жылдын 12-декабрында Армения Республикасынын Ереван шаарында кезектеги отуруму болуп өттү. Аны Армениянын Аманаттардын ордун толтурууга кепилдик берүү фонду уюштурду. Жыйынга Евразия экономикалык комиссиясынын, ЕАЭБ өлкөлөрүнүн депозиттерди коргоо боюнча уюмдарынын, ошондой эле ЕАЭБге мүчө-мамлекеттердин каржылык жөнгө салуучуларынын өкүлдөрү катышты.

Эксперттик топтун жыйынынын алкагында күн тартибиндеги төмөнкү маселелер талкууланды:

• «Аманаттарды (депозиттерди) камсыздандыруу (кепилдик берүү) тутумуна катышуучу банктардын мүчөлүк акыларынын түрлөрү жана аларды аныктоо жана аманаттарды (депозиттерди) камсыздандыруу (кепилдик берүү) фондуна (резервине) төлөө тартиби» эксперттик корутундусу (кайра ревизия);
• «Аманаттарды (депозиттерди) камсыздандыруу (кепилдик берүү) тутумуна катышуучу банктардын мүчөлүк акыларынын өлчөмүн азайтуу жана/же мүчөлүк акыларды төлөөнү токтотуу мүмкүнчүлүгү» эксперттик корутундусу (кайра ревизия);
• «Аманаттарды (депозиттерди) камсыздандыруу (кепилдик берүү) фондунун (резервинин) максаттуу өлчөмү» эксперттик корутундусу (кайра ревизия);
• «Жоюлуп жаткан банктын активдерин башкаруу жана аларды сатуу» эксперттик корутундусу (кайра кароо);
• Эксперттик топтун 2025-жылга карата Иш планы;
• «Терминдердин сөздүгү (глоссарий)» документи (кайра кароо).

Мындан тышкары, «Аманаттарды камсыздандыруу агенттиги» (АКА) мамлекеттик корпорациясы аманаттар боюнча камсыздандыруу төлөмдөрүн онлайн-тариздетүү сервисин киргизүү тажрыйбасын сунуштады.

“Сервис 2024-жылдын мартында ишке киргизилген. Ал «Мамлекеттик кызматтар» порталы жана АКАнын сайты аркылуу камсыздандыруу алууга мүмкүндүк берет. Сервис иштеген сегиз айдын ичинде 5,4 миң аманатчы камсыздандыруу төлөмүн алуу үчүн онлайн кайрылышкан. Аларга 1,9 млрд рубль төлөнгөн.”

АКАнын башкы директорунун орун басары, Наталья Фёдорова

Маалымат үчүн: Эксперттик топ 2019-жылы Евразия экономикалык комиссиясынын Каржы рыноктору боюнча консультативдик комитетинин чечими менен түзүлгөн. Топтун ишинин негизги максаттары – ЕАЭБ өлкөлөрүнүн улуттук мыйзамдарын, аманаттарды камсыздандыруу чөйрөсүндөгү мыкты эл аралык тажрыйбаны талдоо, Бирликтин мамлекеттеринин мыйзамдарын шайкеш келтирүү боюнча сунуштарды даярдоо жана башкалар.