2025 жылғы 23 сәуірде Нижний Новгородта Цифрландыру жөніндегі жұмыс тобының отырысы өтті

Еуразиялық экономикалық одаққа (бұдан әрі — ЕАЭО) мүше мемлекеттердің депозиттерді сақтандырушыларын цифрландыру саласындағы өзара іс-қимыл жөніндегі жұмыс тобының қызметі аясында 2025 жылғы 23 сәуірде Нижний Новгород қаласында (Ресей Федерациясы) он үшінші отырыс өтті, оның ұйымдастырушысы «Салымдарды сақтандыру агенттігі» мемлекеттік корпорациясы (ССА) болды. Отырысқа ЕАЭО-ға мүше мемлекеттердің салымдарды сақтандыру жөніндегі барлық ұйымдарының өкілдері қатысты.

Сақтандыру өтемін онлайн төлеу тақырыбындағы баяндамалармен Беларусь Республикасының депозиттерге кепілдік беру агенттігінің және Ресей Федерациясының Салымдарды сақтандыру агенттігінің өкілдері сөз сөйледі. ССА өкілдері сондай-ақ депозиттерді сақтандырушының қызметінде жасанды интеллект технологияларын пайдалану туралы айтып берді.