2024 жылғы 12 желтоқсанда Ереванда Заңнаманы үйлестіру жөніндегі сараптамалық топтың отырысы өтті

Еуразиялық экономикалық комиссияның Қаржы нарықтары жөніндегі консультативтік комитеті жанындағы Еуразиялық экономикалық одақ (бұдан әрі – ЕАЭО) аумағындағы банк салымдарын (депозиттерін) сақтандыру (кепілдік беру), кредиттік ұйымдарды тарату, қаржылық сауықтыру және банкроттық саласындағы заңнаманы үйлестіру жөніндегі сараптамалық топтың қызметі шеңберінде 2024 жылғы 12 желтоқсанда Ереван қаласында (Армения Республикасы) кезекті отырыс өтті, оның ұйымдастырушысы Арменияның салымдарды өтеуге кепілдік беру қоры болды. Отырысқа Еуразиялық экономикалық комиссияның, ЕАЭО елдерінің депозиттерді қорғау ұйымдарының, сондай-ақ ЕАЭО-ға мүше мемлекеттердің қаржы реттеушілерінің өкілдері қатысты.

Сараптамалық топ отырысы аясында күн тәртібіндегі келесі мәселелер талқыланды:

• «Салымдарды (депозиттерді) сақтандыру (кепілдік беру) жүйесіне қатысушы банктер жарналарының түрлері және оларды салымдарды (депозиттерді) сақтандыру (кепілдік беру) қорына (резервіне) айқындау мен төлеу тәртібі» сараптамалық қорытындысы (қайта қарау);
• «Салымдарды (депозиттерді) сақтандыру (кепілдік беру) жүйесіне қатысушы банктердің жарналар мөлшерін азайту және/немесе жарналарды төлеуін тоқтата тұру мүмкіндігі» сараптамалық қорытындысы (қайта қарау);
• «Салымдарды (депозиттерді) сақтандыру (кепілдік беру) қорының (резервінің) нысаналы мөлшері» сараптамалық қорытындысы (қайта қарау);
• «Таратылатын банктің активтерін басқару және оларды өткізу (сату)» сараптамалық қорытындысы (қайта қарау);
• Сараптамалық топтың 2025 жылға арналған жұмыс жоспары;
• «Терминдер сөздігі (глоссарий)» құжаты (қайта қарау).

Сонымен қатар, «Салымдарды сақтандыру агенттігі» (АСВ) мемлекеттік корпорациясы салымдар бойынша сақтандыру өтемін онлайн-рәсімдеу сервисін енгізу тәжірибесін ұсынды.

«Сервис 2024 жылдың наурызында іске қосылды. Ол сақтандыруды «Мемлекеттік қызметтер» (Госуслуги) порталы және АСВ сайты арқылы алуға мүмкіндік береді. Сервис жұмыс істеген сегіз айдың ішінде 5,4 мың салымшы сақтандыру өтемін алу үшін онлайн жүгінді. Оларға 1,9 млрд рубль төленді».

АСВ Бас директорының орынбасары Наталья Федорова

Анықтама: Сараптамалық топ 2019 жылы Еуразиялық экономикалық комиссияның Қаржы нарықтары жөніндегі консультативтік комитетінің шешімі бойынша құрылды. Топ жұмысының негізгі мақсаттары – ЕАЭО елдерінің ұлттық заңнамасын, салымдарды сақтандыру саласындағы үздік халықаралық тәжірибені талдау, Одақ мемлекеттерінің заңнамасын үйлестіру бойынша ұсыныстар дайындау және т.б.