2024 жылғы 22-23 мамырда Минскіде Заңнаманы үйлестіру жөніндегі сарапшылар тобының отырысы өтті

Еуразиялық экономикалық комиссияның Қаржы нарықтары жөніндегі консультативтік комитеті жанындағы Еуразиялық экономикалық одақ (бұдан әрі – ЕАЭО) аумағында банк салымдарын (депозиттерін) сақтандыру (кепілдік беру), кредиттік ұйымдарды тарату, қаржылай сауықтыру және банкроттық саласындағы заңнаманы үйлестіру жөніндегі сарапшылар тобы қызметінің шеңберінде 2024 жылғы 22-23 мамырда Беларусь Республикасының Минск қаласында ЕАЭО-ға мүше мемлекеттер өкілдерінің отырысы өтті, оның ұйымдастырушысы Беларусь Республикасының «Жеке тұлғалардың банк салымдарына (депозиттеріне) кепілдік берілген өтем жөніндегі агенттік» мемлекеттік мекемесі болды. Отырысқа Еуразиялық экономикалық комиссияның, салымдарды сақтандыру ұйымдарының, сондай-ақ ЕАЭО-ға қатысушы мемлекеттердің қаржы реттеушілерінің өкілдері қатысты.

Отырыс барысында мүше мемлекеттердің банк салымдарын (депозиттерін) сақтандыру (кепілдік беру) саласындағы заңнамасын үйлестіруді жүзеге асыру, ЕАЭО шеңберіндегі интеграциялық процестер және жалпы қаржы нарығын қалыптастыру мәселелері талқыланды. Атап айтқанда, келесі тақырыптар талқыланды: салымдарды (депозиттерді) сақтандырушылардың басқару органдары; сақтандыру объектілері мен субъектілері; сақтандыру өтемінің мөлшері және салым валютасында төлемдерді жүзеге асыру; депозиттерді сақтандырушының таратылатын банкке талап ету құқығы (қаражатты өндіріп алу); банктің банкроттығына қатысы бар тұлғаларды жауапкершілікке тарту және бұл процестегі депозиттерді сақтандырушының рөлі.

Отырыс күндізгі режимде, сондай-ақ қатысушылардың онлайн қосылуы арқылы өтті.