ՌԴ-ում ավելացվել է երկարաժամկետ ապահովագրված ավանդների հատուցման ենթակա սահմանաչափը

Ավելի քան 3 տարի ժամկետով անհետկանչելի խնայողական սերտիֆիկատներով հավաստված ապահովագրված ավանդների հատուցման սահմանաչափը կրկնապատկվել է՝ կազմելով 2,8 մլն ռուբլի։

«Ռուսաստանի Դաշնության բանկերում ավանդների ապահովագրման մասին» դաշնային օրենքում փոփոխություններ կատարելու մասին» թիվ 347-ՖՕ օրենքը 2025 թվականի հուլիսի 31-ին ստորագրվել է Ռուսաստանի Դաշնության նախագահ Վլադիմիր Պուտինի կողմից։ Փաստաթուղթն ուժի մեջ կմտնի դրա պաշտոնական հրապարակման օրվանից 90 օր անց։

Օրենսդրական փոփոխություններն ուղղված են քաղաքացիների համար երկարաժամկետ խնայողությունների գրավչության բարձրացմանը, ինչպես նաև կնպաստեն բանկային համակարգ «երկար» փողերի ներգրավմանը, որոնք անհրաժեշտ են տնտեսության գերակա նախագծերի ֆինանսավորման համար։