У фармаце відэаканферэнцсувязі 26 чэрвеня 2024 года адбылося дзявятае пасяджэнне Рабочай групы па ўзаемадзеянні ў сферы цыфравізацыі страхоўшчыкаў дэпазітаў Еўразійскага эканамічнага саюза (ЕАЭС). У рамках пасяджэння Рабочай групы дзяржаўная карпарацыя «Агенцтва па страхаванні ўкладаў» Расійскай Федэрацыі (Агенцтва Расійскай Федэрацыі) і Фонд гарантавання пакрыцця ўкладаў Арменіі (Фонд Рэспублікі Арменія) падзяліліся вопытам укаранення інструментаў падачы заяў і выплаты страхавога пакрыцця анлайн. Прадстаўнікі Агенцтва Расійскай Федэрацыі расказалі пра тое, што з сакавіка 2024 года заяву на атрыманне страхавога пакрыцця па ўкладзе можна падаць дыстанцыйна на сайце Агенцтва Расійскай Федэрацыі або на расійскім партале «Дзяржпаслугі».

У рамках дзейнасці Экспертнай групы па гарманізацыі заканадаўства ў сферы страхавання (гарантавання) банкаўскіх укладаў (дэпазітаў), ліквідацыі, фінансавага аздараўлення і банкруцтва крэдытных арганізацый на тэрыторыі Еўразійскага эканамічнага саюза (далей – ЕАЭС) пры Кансультатыўным Камітэце па фінансавых рынках Еўразійскай эканамічнай камісіі 22-23 мая 2024 г. у горадзе Мінску, Рэспубліка Беларусь, адбылося пасяджэнне прадстаўнікоў дзяржаў – членаў ЕАЭС, арганізатарам якога выступіла дзяржаўная ўстанова "Агенцтва гарантаванага пакрыцця банкаўскіх укладаў (дэпазітаў) фізічных асоб" Рэспублікі Беларусь.

У Маскве прайшла міжнародная канферэнцыя «Гісторыя поспеху: 20 гадоў расійскай сістэме страхавання ўкладаў», арганізатарам якой выступіла дзяржаўная карпарацыя «Агенцтва па страхаванні ўкладаў» (АСВ). У мерапрыемстве прынялі ўдзел прадстаўнікі заканадаўчай і выканаўчай улады, банкаўскай і экспертнай супольнасці, арганізацый — страхоўшчыкаў дэпазітаў з 20 краін, уключаючы ўсе краіны ЕАЭС. Галоўнай тэмай канферэнцыі стала ўдасканаленне механізмаў абароны зберажэнняў укладчыкаў.