Міжнародныя мерапрыемствы страхоўшчыкаў дэпазітаў ЕАЭС у Кыргызскай Рэспубліцы
У Кыргызскай Рэспубліцы на в. Ісык-Куль 12-13 жніўня 2026 г. адбыліся міжнародныя мерапрыемствы для страхоўшчыкаў дэпазітаў дзяржаў – членаў ЕАЭС. Міжнародныя мерапрыемствы ўключалі ў сябе пасяджэнні Савета кіраўнікоў арганізацый па страхаванні ўкладаў дзяржаў – членаў ЕАЭС (далей – Савет кіраўнікоў), Экспертнай групы па гарманізацыі заканадаўства ў сферы страхавання (гарантавання) банкаўскіх укладаў (дэпазітаў), ліквідацыі, фінансавага аздараўлення і банкруцтва крэдытных арганізацый на тэрыторыі Еўразійскага эканамічнага саюза пры Кансультатыўным Камітэце па фінансавых рынках Еўразійскай эканамічнай камісіі (далей – Экспертная група) і Рабочай групы па ўзаемадзеянні ў сферы лічбавізацыі страхоўшчыкаў дэпазітаў дзяржаў – членаў ЕАЭС пры Савеце кіраўнікоў (далей – Рабочая група).
У межах пасяджэння Савета кіраўнікоў кіраўнікі страхоўшчыкаў дэпазітаў краін ЕАЭС і Рэспублікі Узбекістан абмяняліся інфармацыяй аб сітуацыі ў банкаўскім сектары і сістэмах страхавання ўкладаў, а таксама планамі па арганізацыі і правядзенні сумесных практычных семінараў у 2026-2027 гадах.
На пасяджэнні Экспертнай групы прадстаўнікі страхоўшчыкаў дэпазітаў паўторна абмеркавалі экспертнае заключэнне па параметры «Падатковая палітыка ў дачыненні да арганізацый па страхаванні дэпазітаў», а таксама разгледзелі рэвізіі экспертных заключэнняў па наступных параметрах:
- «Неплацежаздольнасць банка і падставы для прызнання яго банкрутам»;
- «Прызначэнне часовай адміністрацыі»;
- «Прыцягненне да адказнасці асоб, датычных да банкруцтва банка, і роля страхоўшчыка дэпазітаў у гэтым працэсе».
У ходзе пасяджэння Рабочай групы ўдзельнікі падзяліліся вопытам пераадолення кадравага дэфіцыту ў IT-сектары, а таксама ў фармаце круглага стала абмеркавалі перспектывы ўкаранення тэхналогій штучнага інтэлекту ў работу страхоўшчыкаў дэпазітаў.
У міжнародных мерапрыемствах прынялі ўдзел прадстаўнікі страхоўшчыкаў дэпазітаў і нацыянальных банкаў краін-удзельніц ЕАЭС, Агенцтва па гарантаванні ўкладаў Рэспублікі Узбекістан, а таксама Еўразійскай эканамічнай камісіі.
