Страхоўшчыкі дэпазітаў краін ЕАЭС падпісалі мемарандум аб супрацоўніцтве

Арганізацыі па страхаванні (гарантаванні) укладаў (дэпазітаў) дзяржаў – членаў ЕАЭС 10 снежня 2025 года падпісалі новы Мемарандум аб супрацоўніцтве. Ранейшае пагадненне, заключанае ў 2019 годзе, дзейнічае да 31 снежня 2025 года.

Дакумент дазволіць зафіксаваць вынікі праведзенай працы, вызначыць новыя напрамкі супрацоўніцтва і стварыць прававую і арганізацыйную базу для далейшага ўзаемадзеяння.

Мерапрыемства прайшло ў Маскве ў рамках пасяджэння Савета кіраўнікоў арганізацый па страхаванні банкаўскіх укладаў (дэпазітаў) дзяржаў – членаў Еўразійскага эканамічнага саюза з удзелам Еўразійскай эканамічнай камісіі і Агенцтва па гарантаванні ўкладаў Рэспублікі Узбекістан.

Мемарандум падпісалі дырэктар Фонду гарантавання кампенсацыі ўкладаў Рэспублікі Арменія Эрмінэ Аруцюнян, выканаўца абавязкаў генеральнага дырэктара дзяржаўнай установы «Агенцтва па гарантаваным пакрыцці банкаўскіх укладаў (дэпазітаў) фізічных асоб» Рэспублікі Беларусь Святлана Лега, старшыня акцыянернага таварыства «Казахстанскі фонд гарантавання дэпазітаў» Адзіль Уцембаеў, выканаўчы дырэктар Агенцтва па абароне дэпазітаў Кыргызскай Рэспублікі Кадырбек Букуеў і выканаўца абавязкаў генеральнага дырэктара Агенцтва па страхаванні ўкладаў Расійскай Федэрацыі Марыя Філатава.