У Алматы 23 кастрычніка 2024 года адбыліся Міжнародная канферэнцыя і пасяджэнне Савета кіраўнікоў

У рамках міжнародных мерапрыемстваў, прысвечаных 25-годдзю сістэмы гарантавання дэпазітаў Рэспублікі Казахстан, 23 кастрычніка 2024 года ў г. Алматы адбыліся Міжнародная канферэнцыя і пасяджэнне Савета кіраўнікоў арганізацый па страхаванні (гарантаванні) укладаў (дэпазітаў) краін ЕАЭС.

Арганізатарам мерапрыемстваў выступіў Казахстанскі фонд гарантавання дэпазітаў (КФГД).

Удзельнікі Міжнароднай канферэнцыі абмеркавалі ролю страхоўшчыкаў дэпазітаў у фарміраванні ўстойлівай архітэктуры фінансавай бяспекі, а таксама інвестыцыйнае кіраванне актывамі страхоўшчыкаў дэпазітаў.

На пасяджэнні Савета кіраўнікоў кіраўнікі арганізацый па страхаванні (гарантаванні) дэпазітаў краін ЕАЭС абмяняліся інфармацыяй аб сітуацыі ў банкаўскім сектары і сістэмах страхавання (гарантавання), абмеркавалі пытанні гарманізацыі заканадаўства ў сферы фінансавых рынкаў дзяржаў – членаў ЕАЭС, а таксама планы па правядзенні вочных і завочных мерапрыемстваў у 2025 годзе.

У мерапрыемствах прынялі ўдзел прадстаўнікі арганізацый па страхаванні (гарантаванні) дэпазітаў усіх дзяржаў – членаў ЕАЭС і Рэспублікі Узбекістан, фінансавых рэгулятараў дзяржаў – членаў ЕАЭС, а таксама Еўразійскай эканамічнай камісіі.