У Расійскай Федэрацыі 17-18 ліпеня 2024 года адбыліся пасяджэнні Экспертнай групы і Савета кіраўнікоў

У рамках міжнародных мерапрыемстваў у Санкт-Пецярбургу 17-18 ліпеня 2024 г. адбыліся пасяджэнні Экспертнай групы па гарманізацыі заканадаўства ў сферы страхавання (гарантавання) банкаўскіх укладаў (дэпазітаў), ліквідацыі, фінансавага аздараўлення і банкруцтва крэдытных арганізацый на тэрыторыі Еўразійскага эканамічнага саюза пры Кансультатыўным Камітэце па фінансавых рынках Еўразійскай эканамічнай камісіі (далей – Экспертная група) і Савета кіраўнікоў арганізацый па страхаванні (гарантаванні) укладаў (дэпазітаў) краін ЕАЭС (далей – Савет кіраўнікоў).

Арганізатарам мерапрыемстваў выступіла дзяржаўная карпарацыя «Агенцтва па страхаванні ўкладаў». У пасяджэннях прынялі ўдзел прадстаўнікі Еўразійскай эканамічнай камісіі, страхоўшчыкаў дэпазітаў і рэгулятараў дзяржаў – членаў ЕАЭС, а таксама Фонду гарантавання ўкладаў грамадзян у банках Рэспублікі Узбекістан.

У ходзе пасяджэння Экспертнай групы адбылося абмеркаванне пытанняў ажыццяўлення гарманізацыі заканадаўства дзяржаў – членаў у сферы страхавання (гарантавання) банкаўскіх укладаў (дэпазітаў), інтэграцыйных працэсаў у рамках ЕАЭС і фарміравання агульнага фінансавага рынку.

У рамках пасяджэння абмяркоўваліся наступныя пытанні парадку дня:

• Экспертнае заключэнне «Аб’екты страхавання» (паўторная рэвізія);
• Экспертнае заключэнне «Памер страхавога пакрыцця» (паўторная рэвізія);
• Экспертнае заключэнне «Страхавы выпадак» (першасная рэвізія);
• Экспертнае заключэнне «Тэрмін пачатку выплаты і тэрмін атрымання доступу да рэестра ўкладчыкаў» (першасная рэвізія);
• Экспертнае заключэнне «Тэрмін, на працягу якога ўкладчык мае права на падачу заявы для атрымання страхавога пакрыцця» (першасная рэвізія);
• Экспертнае заключэнне «Механізмы прадаўжэння страхавой абароны на пэўны тэрмін у выпадку зліцця і далучэння банкаў» (першасная рэвізія);
• Экспертнае заключэнне «Адбор банкаў-агентаў для выплаты страхавога пакрыцця» (першасная рэвізія)
• Экспертнае заключэнне «Прыцягненне да адказнасці асоб, якія маюць дачыненне да банкруцтва банка, і роля страхоўшчыка дэпазітаў у гэтым працэсе» (паўторны разгляд);
• Экспертнае заключэнне «Права патрабавання страхоўшчыка дэпазітаў да ліквідуемага банку (спагнанне сродкаў)» (паўторны разгляд);
• Экспертнае заключэнне «Кіраванне актывамі ліквідуемага банка і іх рэалізацыя (продаж)» (першасны разгляд);
• Дакумент «Слоўнік тэрмінаў (гласарый)» (паўторны разгляд).

У рамках Савета кіраўнікоў 18 ліпеня 2024 г. кіраўнікі арганізацый па страхаванні ўкладаў абмяняліся інфармацыяй аб сітуацыі ў банкаўскіх сектарах і сістэмах абароны дэпазітаў дзяржаў – членаў ЕАЭС, а таксама абмеркавалі вынікі работы Экспертнай групы па гарманізацыі і Рабочай групы па ўзаемадзеянні ў сферы цыфравізацыі, аўтаматызацыі і інфармацыйных тэхналогій.

Акрамя таго, на пасяджэнні былі дасягнуты папярэднія дамоўленасці аб правядзенні практычных семінараў для работнікаў страхоўшчыкаў дэпазітаў дзяржаў – членаў Саюза.