Сістэма страхавання ўкладаў РФ распаўсюджана на электронныя грашовыя сродкі
27.08.2026 у 09:19
Прэзідэнт Расійскай Федэрацыі Уладзімір Пуцін 4 жніўня 2026 г. падпісаў Федэральны закон № 317-ФЗ «Пра ўнясенне змяненняў у Федэральны закон „Пра страхаванне ўкладаў у банках Расійскай Федэрацыі“ і Федэральны закон „Пра неплацежаздольнасць (банкруцтва)“», у адпаведнасці з якім у сістэму страхавання ўкладаў уключаны электронныя грашовыя сродкі (электронныя кашалькі) кліентаў банкаў. Уладальнікі электронных кашалькоў змогуць атрымліваць страхавое адшкадаванне ў межах ліміту 1,4 млн рублёў у выпадку адклікання ліцэнзіі ў крэдытнай арганізацыі. Новаўвядзенне тычыцца сродкаў асоб, якія прайшлі ідэнтыфікацыю або спрошчаную ідэнтыфікацыю. Адшкадаванне будзе выплачвацца толькі ў безнаяўным парадку.
Прыняты закон забяспечыць роўную страхавую абарону сродкаў укладчыкаў, размешчаных на рахунках, укладах і ідэнтыфікаваных электронных кашальках.
Заканадаўчыя змяненні ўступяць у сілу з 1 лютага 2027 г. і будуць дзейнічаць у дачыненні да страхавых выпадкаў, якія наступілі з указанай даты.
