У Казані адбылося другое ў 2026 г. пасяджэнне Рабочай групы па лічбавізацыі страхоўшчыкаў дэпазітаў ЕАЭС

У горадзе Казані, Расійская Федэрацыя, 24 чэрвеня 2026 г. у вочным фармаце адбылося дзевятнаццатае пасяджэнне Рабочай групы па ўзаемадзеянні ў сферы лічбавізацыі страхоўшчыкаў дэпазітаў Еўразійскага эканамічнага саюза (ЕАЭС).

Удзельнікі пасяджэння абмеркавалі пытанні падрыхтоўкі рэестраў абавязацельстваў, рэестраў патрабаванняў крэдытораў, а таксама іх праверкі, карэкціроўкі і актуалізацыі ідэнтыфікацыйных даных у рэестры. Сваім вопытам у гэтай галіне падзяліліся прадстаўнікі Агенцтва па гарантаваным пакрыцці банкаўскіх укладаў (дэпазітаў) фізічных асоб Рэспублікі Беларусь і Агенцтва па страхаванні ўкладаў Расійскай Федэрацыі.

Акрамя таго, удзельнікі Рабочай групы працягнулі абмеркаванне ў фармаце круглага стала перспектыў укаранення тэхналогій штучнага інтэлекту ў работу страхоўшчыкаў дэпазітаў.