Минскіде үйлестіру жөніндегі Сарапшылар тобының отырысы өтті
Беларусь Республикасының Минск қаласында 2026 жылғы 13-14 мамырда күндізгі форматта Еуразиялық экономикалық комиссияның Қаржы нарықтары жөніндегі консультативтік комитеті жанындағы ЕАЭО аумағында банктік салымдарды (депозиттерді) сақтандыру (кепілдік беру), кредиттік ұйымдарды тарату, қаржылық сауықтыру және банкроттық саласындағы заңнаманы үйлестіру мәселелері жөніндегі Сарапшылар тобының (бұдан әрі – Сарапшылар тобы) отырысы өтті. Сарапшылар тобының отырысын ұйымдастырушы ретінде «Жеке тұлғалардың банктік салымдарын (депозиттерін) қайтаруға кепілдік беру агенттігі» мемлекеттік мекемесі шықты.
Отырыс барысында Сарапшылар тобының мүшелері Еуразиялық экономикалық комиссияның Қаржы нарықтары жөніндегі консультативтік комитеті жанындағы қаржы саласындағы ЕАЭО-ға мүше мемлекеттердің заңнамасын үйлестіру мәселелері жөніндегі жұмыс тобының банк секторы бойынша кіші тобының қатысушыларымен бірлесіп, Еуразиялық экономикалық одаққа мүше мемлекеттердің халықтың салымдарын (депозиттерін) сақтандыру (кепілдік беру) жүйелерінің жұмыс істеуіне қатысты заңнамасын үйлестіру жөніндегі Келісілген ұсыныстардың жобасын талқылады.
Бұдан бөлек, отырыс барысында «Салымдарды (депозиттерді) сақтандыру (кепілдік беру) ұйымдарына қатысты салық саясаты» параметрі бойынша Сараптамалық қорытынды алғаш рет қаралды және келесі параметрлер бойынша Сараптамалық қорытындылар бекітілді:
- «Салымдарды (депозиттерді) сақтандыру (кепілдік беру) ұйымындағы процестік басқару және ішкі бақылау жүйесі»;
- «Депозиттерді сақтандырушы қызметінің үздіксіздігін қамтамасыз ету жүйесі»;
- «Салымдарды сақтандыру жүйесіндегі тәуекелдерді басқару, салымдарды сақтандыру жүйесін стресс-тестілеу».
