2026 жылдың I тоқсанындағы Армения Республикасындағы маңызды оқиғаларға шолу
2026 жылдың I тоқсанында Армения Республикасында банктік салымдарды (депозиттерді) сақтандыру (кепілдік беру), кредиттік ұйымдарды тарату, қаржылық сауықтыру және банкроттыққа ұшырату, сондай-ақ банктік нарықтың жұмыс істеуі саласында келесі оқиғалар орын алды:
1. «Кепілдік берілген салымдарды өтеудің жаңа тәртібінің» жобасы әзірленді
«Кепілдік берілген салымдарды өтеу тәртібі» кепілдік берілген салымдарды өтеу жағдайы туындаған кезде Армения Республикасының Салымдарға кепілдік беру қорының (бұдан әрі – Армения Қоры) негізгі іс-қимылдарын сипаттайды:
- салымшылармен, Армения Республикасының Орталық банкімен, агент-банкпен өзара іс-қимыл жасау тәртібі;
- салымшылардың проблемалық талаптарын қарау және қанағаттандыру тәртібі;
- агент-банкті таңдау тәртібі;
- Қордың Қамқоршылық кеңесінің қосымша қаражат тарту және Қор қаражатының өтімділігін қамтамасыз ету туралы шешімдер қабылдау тәртібі;
- әлеуетті агент-банкпен ынтымақтастық туралы меморандум;
- басқа да құжаттар.
2. Венгрияның Ұлттық депозиттерді сақтандыру қорымен өзара түсіністік және ынтымақтастық туралы Меморандумға қол қойылды
Арменияның Салымдарды өтеуге кепілдік беру қоры мен Венгрияның Ұлттық депозиттерді сақтандыру қоры арасында қол қойылған өзара түсіністік және ынтымақтастық туралы Меморандум келесі негізгі бағыттар бойынша ынтымақтастықты көздейді: депозиттерді сақтандыру (кепілдік беру) саласында тәжірибе және білім алмасу, тұрақты консультациялар мен бірлескен іс-шаралар өткізу, ақпараттық технологиялар мен деректер базасын дамыту тәжірибесін зерделеу, бірлескен зерттеу бастамаларын іске асыру, сондай-ақ қажеттілікке қарай басқа да бірлескен іс-шараларды өткізу.
3. Кітап сыйлау күніне орай студенттермен кездесу ұйымдастырылды (2026 жылғы 19 ақпан)
2026 жылғы 19 ақпанда Кітап сыйлау күнін мерекелеуге орай студенттермен кездесу ұйымдастырылды. Іс-шараның негізгі мақсаты қаржылық сауаттылық мәселелерін талқылау, сондай-ақ жеке қаржы мен жинақтарды тиімді басқарудың практикалық дағдыларын қалыптастыру үшін ашық алаң құру болды.
Бағдарлама аясында қаржы тақырыбына арналған интерактивті ойын ұйымдастырылып, ол қатысушыларға алған білімдерін қызықты формада бекітуге мүмкіндік берді. Ойын жеңімпаздары қаржы тақырыбындағы ең танымал кітаптармен марапатталды.
Іс-шара студенттердің белсенді қатысуына, ашық диалог пен нәтижелі пікір алмасуға ықпал ететін достық және еркін жағдайда өтті.
4. Қор директоры Армения мемлекеттік экономикалық университетінде сөз сөйледі
2026 жылғы 24 наурызда Арменияның Салымдарды өтеуге кепілдік беру қорының директоры Эрмине Арутюнян Армения мемлекеттік экономикалық университетінің (АМЭУ) қаржы факультетінің студенттері үшін дәріс өткізді.
Дәріс барысында бағалы қағаздарды басқару негіздері, ұтымды жинақтау принциптері және қаржылық сауаттылықтың басқа да негізгі аспектілері таныстырылды. Қаржылық шешімдер қабылдаудың практикалық тәсілдеріне ерекше назар аударылды.
Дәріс нәтижелі және интерактивті жағдайда өтті. Студентер талқылауға белсенді қатысып, өздерін қызықтырған сұрақтарды қойып, білім беру процесіне жоғары деңгейде тартылғандықтарын көрсетті.
2026 жылғы I тоқсандағы маңызды оқиғаларға шолу
| Армения Республикасы | Беларусь Республикасы | Қазақстан Республикасы | Қырғыз Республикасы | Ресей Федерациясы |
