У Маскве адбыліся міжнародныя мерапрыемствы страхоўшчыкаў дэпазітаў краін ЕАЭС

Пасяджэнне Экспертнай групы па гарманізацыі заканадаўства ў сферы страхавання (гарантавання) банкаўскіх укладаў (дэпазітаў), ліквідацыі, фінансавага аздараўлення і банкруцтва крэдытных арганізацый на тэрыторыі Еўразійскага эканамічнага саюза (далей – ЕАЭС) пры Кансультатыўным Камітэце па фінансавых рынках Еўразійскай эканамічнай камісіі адбылося 9–10 снежня 2025 года.

Прадстаўнікі страхоўшчыкаў дэпазітаў краін ЕАЭС зацвердзілі ўзгодненыя прапановы па гарманізацыі заканадаўства дзяржаў – членаў Саюза ў сферы патрабаванняў да сістэм страхавання ўкладаў, што з’яўляецца важнай вяхой на шляху да фарміравання агульнага фінансавага рынку ЕАЭС.

Удзельнікі пасяджэння паўторна разгледзелі праекты наступных экспертных заключэнняў:

– “Кіраванне рызыкамі ў сістэме страхавання ўкладаў, стрэс-тэсціраванне сістэмы страхавання ўкладаў” (дакладчык – Агенцтва па абароне дэпазітаў Кыргызскай Рэспублікі);

– “Сістэма забеспячэння бесперапыннасці дзейнасці страхоўшчыка дэпазітаў” (дакладчык – Агенцтва па абароне дэпазітаў Кыргызскай Рэспублікі);

– “Працэснае кіраванне і сістэма ўнутранага кантролю ў арганізацыі па страхаванні (гарантаванні) укладаў (дэпазітаў)” (дакладчык – Агенцтва па страхаванні ўкладаў Расійскай Федэрацыі).

Акрамя таго, удзельнікі пасяджэння распавялі пра рэвізію міжнародных дакументаў у сферы страхавання дэпазітаў:

– Новая рэдакцыя прынцыпаў МАСД (дакладчык – Казахстанскі фонд гарантавання дэпазітаў);

– Новыя рэдакцыі дырэктыў ЕС (дакладчык – Агенцтва па страхаванні ўкладаў Расійскай Федэрацыі).

Пасяджэнне Савета кіраўнікоў арганізацый па страхаванні ўкладаў дзяржаў – членаў ЕАЭС адбылося 10 снежня 2025 года. Кіраўнікі страхоўшчыкаў дэпазітаў краін ЕАЭС і Рэспублікі Узбекістан абмяняліся інфармацыяй аб сітуацыі ў банкаўскім сектары і сістэмах страхавання ўкладаў.

Прадстаўнікі Агенцтва па страхаванні ўкладаў Расійскай Федэрацыі распавялі аб удасканаленні інфармацыйнага партала аб абароне дэпазітаў, які служыць пляцоўкай для дыялогу прадстаўнікоў Еўразійскай эканамічнай камісіі і арганізацый па гарантаванні дэпазітаў дзяржаў ЕАЭС.

Пасяджэнне Рабочай групы па ўзаемадзеянні ў сферы лічбавізацыі страхоўшчыкаў дэпазітаў дзяржаў – членаў ЕАЭС адбылося 10 снежня 2025 года.

Фонд гарантавання кампенсацыі ўкладаў Арменіі і Агенцтва па абароне дэпазітаў Кыргызскай Рэспублікі прадставілі даклады аб публікацыях IADI і EFDI па тэме лічбавізацыі страхоўшчыкаў дэпазітаў.

У фармаце круглага стала ўдзельнікі абмеркавалі перспектывы ўкаранення тэхналогій штучнага інтэлекту ў працу страхоўшчыкаў дэпазітаў і будучыню банкаў-агентаў ва ўмовах электронных выплат.

Акрамя таго, адбылося абмеркаванне Плана работы Рабочай групы на 2026 год.