Адбылося пасяджэнне Экспертнай групы па гарманізацыі заканадаўства

У фармаце відэаканферэнцсувязі 25 верасня 2024 года адбылося пасяджэнне Экспертнай групы па гарманізацыі заканадаўства ў сферы страхавання (гарантавання) банкаўскіх укладаў (дэпазітаў), ліквідацыі, фінансавага аздараўлення і банкруцтва крэдытных арганізацый на тэрыторыі Еўразійскага эканамічнага саюза пры Кансультатыўным Камітэце па фінансавых рынках Еўразійскай эканамічнай камісіі (далей – Экспертная група).

У ходзе пасяджэння Экспертнай групы адбылося абмеркаванне пытанняў ажыццяўлення гарманізацыі заканадаўства дзяржаў – членаў у сферы страхавання (гарантавання) банкаўскіх укладаў (дэпазітаў), інтэграцыйных працэсаў у рамках ЕАЭС і фарміравання агульнага фінансавага рынку.

У рамках пасяджэння былі ўзгоднены рэвізіі раней зацверджаных экспертных заключэнняў:

• «Тэрмін, на працягу якога ўкладчык мае права на падачу заявы для атрымання пакрыцця»;
• «Тэрмін пачатку выплаты і тэрмін атрымання доступу да рэестра ўкладчыкаў»;
• «Механізмы працягнення паасобнай страхавой (гарантыйнай) абароны на пэўны тэрмін у выпадку рэарганізацыі банкаў»;
• «Адбор банкаў-агентаў для выплаты пакрыцця».